Qytaıda BRICS elderiniń ІІІ sammıti ótedi
SANЬıA. 13 sáýir. QazAqparat /Rýslan Súleımenov/ - Beısenbi, 14 sáýirde Qytaıdyń Sanıa qalasynda BRICS elderiniń jyl saıynǵy sammıti ótedi.
Bıylǵy kezdesý Ońtústik Afrıka Respýblıkasynyń Prezıdenti Djeıkoıý Zýmanyń qatysýynyń arqasynda alǵash ret «bestik» formatynda ótkeli otyr.
Esterińizge sala keteıik, BRICS tez damýshy bes elden: Brazılııa, Reseı, Úndistan, Qytaı jáne Ońtústik Afrıka Respýblıkasy elderinen turatyn top (BRICS -Brazil, Russia, India, China, South Africa).
Búgin sammıti qarsańynda, BRICS elderi bankaralyq birlestiginiń jyldyń kezdesýi ashylady. Onyń barysynda eki qujatqa qol qoıylady dep kútilýde. Birinshisi, BRICS elderiniń qoldanystaǵy bankaralyq yntymaqtastyq júıesine Ońtústik Afrıkany qosý máselesine qatysty bolsa, ekinshi qujat bankaralyq yntymaqtastyq tetiginiń aıasyndaǵy qarjylyq ózara is-qımyldar týraly negizgi kelisim.
Taraptar BRICS elderiniń qarjylyq yntymaqtastyǵyn ári qaraı damytýǵa jáne nyǵaıtýǵa qatysty máselelerdi talqylamaq.
Búgin sondaı-aq BRICS elderiniń bıznes-forýmy ótedi, oǵan bes eldiń qarjylyq qurylymdary men isker toptarynyń ókilderi qatysady.
Qytaı Tóraǵasy Hý Tszıntaonyń shaqyrýy boıynsha sammıtke Brazılııa Prezıdenti Dılma Roýsseff, RF Prezıdenti Dmıtrıı Medvedev, Úndistan Premer-mınıstri Manmohan Sıngh jáne Ońtústik Afrıka Respýblıkasynyń Prezıdenti Djeıkob Zýma qatysady.
