Qytaıda boıjetken apasyn qutqarý úshin tiri nysanaǵa aınaldy (FOTO)
ASTANA. QazAqparat - Qytaılyq Hanchjoý qalasyndaǵy Ýlıan alańynda serýendep júrgen adamdardy ózin tiri nysanaǵa qoıǵan boıjetken tańqaldyrdy. Qytaılyq azamatsha óziniń boıynan bıik trafaretti ustap turǵan.
Al trafarette: «Tiri nysana. Jebemen bir ret atý - 10 ıýan (1,50 dollar)» dep jazylǵan, dep habarlaıdy Life.ru.
Sondaı-aq onyń qasynda aqshany jınaý maqsaty men aqshany aýdarýǵa bolatyn bank esepshotynyń nómiri jazylǵan taqtaısha turdy.
Kóp adamdar Tszı Tszıanlıge senbeı, ony adamdardy aldaǵysy keledi dep shamalap, oqıǵa ornyna polıtsııany shaqyrtty.
Boıjetken bul áreketke ótkir leıkoz dertine shaldyqqan apasyn emdeýge qajetti aqsha somasyn jınaýǵa kómektesý úshin barǵany anyqtaldy.
Apasy bul aýyr dertke birneshe jyl buryn shaldyqqany, onyń otbasy emdeýge aqsha jınaý úshin kóp qaryzǵa batqan eken. Tszıdi BAQ reportajdarynda kórsetken soń, kórermender apasyn emdeýge qajetti aqshany jınap berdi. 
