Qytaıda bolǵan jer silkinisinen qaza tapqandardyń sany 80 adamǵa deıin jetti
BEIJІŃ. 8 qyrkúıek. QazAqparat - Ótken jumada Ońtústik Batys Qytaıdaǵy ıÝnnan provıntsııasynda bolǵan jer silkinisi saldarynan qaza tapqandardyń sany 80-ge jetti, 700-den astam adam jaraqattandy,
dep habarlaıdy jergilikti bılik kózderi.
Qytaılyq BAQ-nyń habarlaýynsha, tabıǵı zilzala saldarynan ıÝnnan provıntsııasynyń 740 myńǵa jýyq turǵyny zardap shegip, 100 myńnan astamy qaýipsiz jerge kóshirildi, dál sondaı sandy kóshirý kerek bolyp otyr. 6500 úı qıratylyp, 430 myńǵa jýyq turǵyn úıler búlindi. Zilzalanyń keltirgen aldyn ala ekonomıkalyq shyǵyny 551 mıllıon dollardy quraıdy.
Esterińizge sala keteıik, juma kúni qytaılyq seısmologtar ıÝnnan jáne Gýıchjoý provıntsııalarynda magnıtýdalary 5,7 jáne 5,6 bolǵan eki jerasty silkinisin tirkedi.
Eldiń basshylyǵy jer silkinisinen zardap shekkenderge barynsha múmkin kómek kórsetýdi tapsyrdy. Qytaılyq premer Ven Tszıabao Beıjińnen apat ornyna baryp, qutqarý jumystaryna basshylyq etti.
