Qytaıda bolǵan sý tasqynynan 67 adam mert boldy
ASTANA. QazAqparat -Maýsym aıynyń sońynda bolǵan Hýnan provıntsııasyndaǵy sý tasqynynan 67 adam mert bolyp, taǵy 16 adam iz-tússiz ketkender tizimine kirip otyr. Bul týraly Sınhýa agenttigi habarlaıdy.
Provıntsııadaǵy tabıǵı apat sońǵy 60 jyl baqylaýda bolǵan eń irisi sanalyp otyr. 22 maýsymnan 1 shildege deıingi ýaqytta jyldyq jaýyn-shashyn kórsetkishiniń 31,8 paıyzy nemese 4611 mıllımetr túsken. Apattan 12 mln adam zardap shekti.
