Qytaıda bóget jarylyp, 8 myńnan astam adam kóshirildi
ASTANA. QazAqparat - Qytaıdyń Hýbeı provıntsııasynda bóget jaryldy. Zardap shekken aýdannan 8,4 myńnan astam adam kóshirildi, dep RIA Novostı Sınhýa agenttigine silteme jasap habarlaıdy.
Oqıǵa jeksenbi kúni Hýanmeı ýezinde oryn alǵan. Bógette eni 70 metrge jýyq sańylaý paıda bolǵan.
Bógetti retke keltirý úshin oqıǵa ornyna 700 sarbaz jáne 200 jıyntyq arnaıy qural-jabdyq jiberildi. Odan bólek, 2,5 myńnan astam áskerı qyzmetker men jergilikti halyq jarylýdyń aldyn alý úshin aýdandaǵy ekinshi bógetti jóndeýge jiberildi.
Sońǵy birneshe aptada Qytaıdaǵy sý tasqyndarynan 237 adam kóz jumdy.
