Qytaıda Boao azııalyq forýmy ótýde
BOAO. 15 sáýir. QazAqparat /Rýslan Súleımenov/ - Búgin Qytaıdyń Haınan aralynda Boaonyń iskerlik azııalyq forýmy ashyldy.
«Azııalyq Davos» mártebesinen úmitker forým óziniń on jyldyǵyn atap ótip otyr. Osy ýaqyt ishinde ol Azııa-Tynyq muhıty aımaǵyndaǵy ekonomıkalyq yntymaqtastyq pen jańarý protsesteri talqylanatyn, úkimettik, iskerlik jáne ǵylymı toptar arasyndaǵy yqpaldastyqty nyǵaıtý máseleleri áńgime ózegine aınalyp otyratyn arenaǵa aınaldy.
QHR Tóraǵasy Hý Tszıntao Boao azııalyq forýmy-2011 jyl saıyn ótkiziletin otyrysyn ashyp berdi. Boaodaǵy forým «Inklıýzıvti damý» uranymen ótkizilip otyr. Mereıtoılyq azııalyq forýmǵa 1 400-ge jýyq saıası qaıratkerler, bıznesmender men ǵalymdar qatysýda.
Bıylǵy kezdesýdiń qatysýshylary arasynda - Reseı Prezıdenti Dmıtrıı Medvedev, Brazılııa Prezıdenti Dılma Roýssef, OAR Prezıdenti Djeıkob Zýma, Koreıa Respýblıkasynyń Premer-mınıstri Kım Hvan Sık, Ispanııa Premer-mınıstri Hose Lýıs Rodrıges Sapatero men Ýkraına Premer-mınıstri Nıkolaı Azarov bar.
