Qytaıda bıshi qyz kontsertte 4 saǵat boıy toqtamastan aınaldy
ASTANA. QazAqparat - Ataqty qytaı bıshisi ıAn Lıpınniń jıeni 15 jasar Veı Kaıkı Qytaıda jańa jyl merekesinde toqtaýsyz tórt saǵat boıy shyr kóbelek aınalǵan, dep habarlaıdy sheteldik BAQ.
Aq kóılek kıgen Veı basqa merekelik qoıylymdar bastalǵansha, arnaıy platformada pınalyp turdy. Onyń bul áreketi ýaqyttyń aǵymy men jyl ýaqytynyń aýysýyn beınelegen. Degenmen, bıshiniń ul nómiri ınternette biraz daý týdyrdy. Kóp adamdar muny qatigezdikke balady.
Veı bul nómirin «medıtatsııanyń» bir túri dep málimdedi. Ol óziniń blogyna: «Keı adamdar meniń merekede tórt saǵat boıy shyr kóbelek aınalǵanymdy qatigezdikke balapty. Biraq bul men úshin rýhanı tájirıbe boldy. Bireýler Everest shyńyna shyǵyp myqtylyǵyn dáleldeıdi. Al men adam múmkindiginiń sheksizdigin dáleldegim keldi. Qudaıdyń maǵan tózim bergenine alǵysym sheksiz», - dep jazypty.
Atap óteıik, bul kontsert tikeleı efırde taratyldy. Jas qyzdyń bıin búkil el boıynsha 704 mln. halyq baqylap otyrǵan.
