Qytaıda bir táýlikte úsh adamnan ǵana koronavırýs tabyldy
3 jańa jaǵdaıdyń ekeýi syrttan ákelinse, bireýi jergilikti jerden shyqqan. Qytaıdyń soltústik-shyǵysyndaǵy Heılýntszıan provıntsııasynda tirkelgen. Koronavırýstyń syrttan ákelingen jaǵdaılarynyń jalpy sany – 1636.
Budan bólek, ótken táýlikte sımptomsyz 25 jańa jaǵdaı anyqtaldy. 974 sımptomsyz naýqas medıtsınalyq baqylaýda. Tutastaı alǵanda, sońǵy derekter boıynsha QHR-da koronavırýs juqtyrýdyń rastalǵan faktileriniń jalpy sany - 82 830. 4633 adam vırýstan kóz jumsa, 77 454 adam saýyǵyp aýrýhanadan shyqty. Qazirgi ýaqytta 723 patsıent medıtsınalyq mekemelerde em qabyldaýda. 52 naýqastyń jaǵdaıy aýyr dep baǵalanǵan.
COVID-19 epıtsentri bolǵan Ýhan qalasynda 26 sáýirdegi jaǵdaı boıynsha koronavırýspen aýyratyn naýqastar qalmaǵan. Mundaı málimdemeni ótken jeksenbide Beıjińde QHR Gıgıena jáne densaýlyq saqtaý isteri jónindegi memlekettik komıssııasynyń resmı ókili jasady.
Avtor: Rýslan Súleımenov