Qytaıda bir bólke nannyń ortasha baǵasy - $1,71 (FOTO)
BEIJІŃ. QazAqparat - Qytaıda (Nankın, Harbın, Sýıfenhe, Gonkong jáne Beıjiń qalalarynda) bir bólke nannyń ortasha baǵasy 10,8 ıýandi (525 teńge) quraıdy, negizgi tutynatyn ónim - kúrish.
Bir tostaǵan kúrish qytaılyq úshin nan ispetti. Nan ónimderin munda kúrish jáne júgeri unynan ázirleıdi. Bıdaı uny makaron ónimderi men kespe daıyndaýda paıdalanylady.
QazAqparat Beıjińdegi nan ónimderiniń naryǵymen tanysýdy usynyp otyr:
- «Tszınkelýn» jelisinde «Mantoý» toqashtar paketiniń - 6 dana salmaǵy 500 gramm - quny (kúrish unynan jasalǵan) 5,9 ıýan (284 teńge).
- bir «baotszy» bálishi 3 (144 teńge) nemese 3,5 ıýan (ishine birdeńe salynsa, 168 teńge);
- Qytaıda óndirilgen 5 kg unnyń baǵasy sortyna qaraı shamamen 29,6-64 ıýan (1426-3084 teńge) aralyǵynda;
- salmaǵy 500 gramm zaýyt oramasyndaǵy qarapaıym qytaılyq kespe - 5-10,8 ıýan (241-520 teńge);
- tez daıyndalatyn kespe - shamamen 6 ıýan (289 tenge).
Qarapaıym nanǵa úırengen sheteldikter bul ónimdi ımporttalǵan taýarlardy satatyn dúkenderden alady. Onda frantsýz bagetteri, krýassandar, qara borodın nany, arab lavashy, qarapaıym aq nan, týralǵan jáne t.b bar. Alaıda ol qymbat.
Mysaly, «Dıadıa ıÝra» dúkender jelisinde, sonymen qatar «Jenny Lou's» 250 gramdyq baget quny shamamen 8-12 ıýan (385-578 teńge), arab lavashy (salmaǵy sondaı) - 12,8 ıýan (617 teńge), 300 gramm týralǵan aq nan - 7,8 ıýan (375 teńge), nemis bretseli - 6 ıýan (289 teńge), qara bıdaı nany (450 gr.) - 15 ıýan (723 teńge), 250 gramm «borodın» nany - 12 ıýan (578 teńge).
Juqa nandy uıǵyr ne dúngen asyn daıyndaıtyn dámhanalardan satyp alýǵa bolady. Ortasha baǵasy 6 ıýandy (289,14 teńge) quraıdy.
Shetelde óndirilgen makaron ónimderiniń jáne unnyń baǵasy:
- reseılik makarondar (400 gr.) «Aleıka» - 11 ıýan (530 teńge);
- ıtalıandyq makarondar, spagettı (500 gr.) - shamamen 13,6-21,6 ıýan (655- 1040 teńge);
- 2 kg ımporttalǵan avstralııalyq un baǵasy - 49,9 ıýan (2404 teńge);
- 2 kg joǵary surypty reseılik «Aleıka» unynyń baǵasy - 31, 8 ıýan (1532 teńge), sol salmaqtaǵy «MAKFA» markili un baǵasy - 29 ıýan.
Beıjińdegi qazaqstandyqtar úshin qarapaıym nan jaqsy as bolyp sanalady.
Eske sala keteıik, Qytaı azamattarynyń kópshiligi úshin, Soltústik-Shyǵys jáne Ońtústik-Shyǵys Azııadaǵy ózge elderdikindeı, tutynýshylyq sebettegi negizgi as dástúrli nan emes, olar úshin bastysy - kúrish. Bul aımaqtaǵy tabıǵı-klımattyq jaǵdaıǵa baılanysty.
