Qytaıda bıiktigi 632 metrlik «Shanhaı munarasy» ǵımaratynyń 76-shy qabatynan shyny qulady
ASTANA. QazAqparat - Qytaıda eń bıik «Shanhaı munarasy» ǵımaratynyń 76-shy qabatynan qulaǵan shyny synyǵy jerde bir adamdy jaraqattady.
Oqıǵa jumyskerler zaqymdanǵan shynyny jańasyna aýystyryp jatqan kezde oryn aldy. Jerge qulaǵan shyny shatynap ushyp, kólikten túsip kele jatqan júrgizýshiniń aıaǵyn tilip ketken, dep habarlady munara ákimshiliginen.
Shyny jumyskerlerdiń nemquraıdylyǵynan qulaǵan bolýy yqtımal, teskrý júrgizilýde, dep habarlady ákimshilikten.
«Shanhaı munarasynyń» bıiktigi 632 metr, ol Shanhaı qalasynyń Pýdýn aýdanynda ornalasqan, dep habarlaıdy Sınhýa.
