Qytaıda Big Data EXPO 2021 ashyldy
GÝIıAN. QazAqparat – Búgin Qytaıdyń ońtústik-batys bóliginde Gýıchjoý provıntsııasynda «Big Data EXPO 2021» halyqaralyq kórmesi óz jumysyn bastady, dep habarlaıdy QazAqparat.
«Tsıfrlyq ıntellekt jáne jańa tehnologııalar» taqyrybyna arnalǵan kórme baǵdarlamasyna túrli kásibı dıalogtar, forýmdar kiredi, ekspozıtsııalar jáne basqa da is-sharalar ótedi. Uıymdastyrýshylar men qatysýshylar derekter qaýipsizdigi, tsıfrlyq qyzmetter jáne salalardy tsıfrlandyrý sııaqty taqyryptardy talqylaıdy.
Uıymdastyrý komıtetiniń málimetinshe, Big Data EXPO 2021 halyqaralyq kórmesine 225 qytaılyq jáne sheteldik kásiporyndar qatysýda.
Big Data EXPO, Qytaıdaǵy iri derekter ındýstrııasynyń alǵashqy kórmesi Gýıchjoý provıntsııasynda 2015 jyldan beri ótkizilip keledi. 2019 jyly EKSPO aıasynda 15,7 mlrd dollarlyq kelisimsharttarǵa qol qoıyldy. Ótken jyly uıymdastyrýshylar Covid-19 oqıǵasyna baılanysty kórme ótkizbedi.
Kórme Data-ortalyqtaryn qurý úshin Apple, Huawei, Tencent sııaqty iri kompanııalardy tarta aldy.
