Qytaıda bes jeke bank qurylady
ASTANA. 7 qańtar. QazAqparat - Bıyl Qytaıda bes jeke bank paıda bolady. Jańa qarjylyq mekemeler bastapqy kezeńde eldiń banktik retteýshileriniń qadaǵalaýymen jumys isteýi tıis.
Bul týraly VVS habarlady.
Sońǵy kezde Qytaı óziniń qarjylyq sektorynda ashyqtyqty jetildirip, bul saladaǵy básekelestikti damytýǵa tyrysýda.
Jeke kapıtaldar qazirgi bankterdi qaıta qurylymdaýǵa, sondaı-aq jańa bankterdi qurýǵa paıdalanylmaq.
Qytaıdyń banktik retteý komıssııasynyń málimetinshe, jeke jańa bankter úshin qatań standarttar engizilip, lıtsenzııa berý shekteýli bolady.
Sonymen qatar Qytaıda jumys isteýge nıetti sheteldik bankter úshin talaptardy jeńildetý máselesi de qaralýy múmkin.
