Qytaıda belgisiz pnevmonııaǵa shaldyqqandar sany 59 adamǵa jetti
BEIJІŃ. QazAqparat – Hýbeı provıntsııasynyń Ýhan qalasynda (Ortalyq Qytaı) belgisiz pnevmonııaǵa shaldyqqandar sany 59 adamǵa jetti, dep habarlaıdy QazAqparat densaýlyq saqtaý isi jónindegi qalalyq komıtetke silteme jasap.
«2020 jyldyń 5 qańtary saǵat 8:00-degi jaǵdaı boıynsha qalamyzda belgisiz vırýstyq pnevmonııaǵa shaldyqqan 59 jaǵdaı anyqtaldy. Jeti adamnyń ahýaly aýyr, qalǵan naýqastardyń jaǵdaı turaqty. Eshkim qaıtys bolǵan joq», - delingen jergilikti densaýlyq saqtaý organynyń habarlamasynda.
Qazirgi ýaqytta barlyq naýqastar Ýhan qalasyndaǵy medıtsınalyq mekemede emdelip jatyr. Aýrýlarmen tyǵyz qarym-qatynasta bolǵan 163 adam baqylaýǵa alyndy.
Avtory: Rýslan Súleımenov
