Qytaıda belgisiz bireý mekteptiń kireberisinde balalarǵa pyshaq salǵan
ASTANA. QazAqparat - Dúısenbide Haınan ońtústik provıntsııasynyń ákimshilik ortalyǵy - Haıkoý qalasynyń bastaýysh mektebine kireberiste belgisiz bireý kútpegen jerden pyshaqpen balalarǵa shabýyl jasaǵan, dep habarlady jergilikti BAQ.
Balalar túrli dárejedegi jaraqattarmen aýrýhanaǵa jetkizilgen. Tamaǵynan jaralanǵan bir qyz balanyń jaǵdaıy asa aýyr, delingen habarlamada.
Kýálerdiń aıtýynsha, shabýyldaǵan adamnyń jasy 30-40 shamasynda. Ol oqıǵa ornynan qashyp úlgergen.
Polıtsııa qylmyskerdi izdestirip jatyr.
