Qytaıda belgisiz bireý 18 mektep oqýshysy men oqytýshyny baýyzdap ketti
ASTANA. Sáýirdiń 28-i. QazAqparat - Qytaıda belgisiz bireý 18 mektep oqýshysy men oqytýshyny baýyzdap ketti. Qaıǵyly oqıǵa Qytaıdyń ońtústigindegi Gýandýn provıntsııasyndaǵy bastaýysh mektepte oryn alǵan. Oqıǵanyń mán-jaıy ázirge belgisiz, dep habarlaıdy Associated Press agenttigi.
Búgin erteńgisin «Sınhýa» agenttigi 2010 jyly naýryzda Qytaıdyń Fýtszıan provıntsııasynda 8 mektep oqýshysyn baýyzdap, beseýin jaralaǵan adamǵa qatysty ólim jazasynyń oryndalǵanyn habarlaǵan edi. Bul oqıǵa naýryzdyń 23-i kúni Nanpıng qalasynyń bastaýysh mektebiniń aldynda ótken. Málim bolǵany, qaıǵyly oqıǵanyń oryn alýyna 42 jastaǵy azamattyń mahabbattaǵy sátsizdigi túrtki bolǵan.
