Qytaıda «Batys-Shyǵys» gaz qubyrynyń ekinshi tarmaǵy iske qosyldy
BEIJІŃ. 31 jeltoqsan. QazAqparat - Álemdegi eń uzyn magıstraldy gaz qubyry - «Batys-Shyǵys» gaz qubyrynyń ekinshi tarmaǵy tolyq iske qosyldy, delingen CNPC málimdemesinde.
Uzyndyǵy 8704 shaqyrymdyq gaz qubyrynyń bir magıstraldyq jáne segiz aımaqtyq qubyrlary bar, ol Ortalyq Azııadan tabıǵı gazdy Qytaıdyń shyǵysyndaǵy Shanhaı qalasyna jáne eldiń ońtústigindegi Gýanchjoý jáne Gonkong qalalaryna jetkizedi.
Quny 22,57 mlrd. dollarǵa jýyq joba Qytaıdyń 15 provıntsııasyn kesip ótip, 500 mln.-ǵa jýyq adamdy gazben qamtamasyz etedi. Gaz qubyrynyń qýaty 30 mlrd. tekshemetr. Ol QHR-dyń Shyńjań-Uıǵyr avtonomııalyq ólkesiniń soltústik batysynda qytaı-qazaqstan shekarasyndaǵy Qorǵastan bastalyp, Gonkongte aıaqtalady.
