Qytaıda bankte jarylys boldy, zardap shekkender bar
BEIJІŃ. 13 mamyr. QazAqparat /Rýslan Súleımenov/ - Juma, jergilikti ýaqyt boıynsha tańǵy saǵat 9 kezinde Gansý soltústik-batys ýálaıatynyń Tıanchjý ýezindegi Ýveı qalasyndaǵy bankte jarylys boldy,
dep habarlady «Sınhýa» agenttigi.
Kýágerlerdiń aıtýynsha, jarylys bolar aldynda janǵysh zat quıylǵan shólmekke ot qoıyp jatqan beısaýat adam baıqalǵan. Jarylys bank qyzmetkerleriniń jınalysy bolyp jatqan tórtinshi ǵımaratta oryn aldy. Oqıǵa ornyn polıtseıler qorshaýǵa aldy, zardap shekkenderge dárigerlik kómek kórsetilýde.
Tıanchjý ýezinde 210 myńnan astam adam turady, olardyń deni - Tıbet ultynyń ókilderi.
