Qytaıda bank tonaǵan mıllıarder tutqyndaldy
ASTANA. QazAqparat - Qylmysker aram jolmen tapqan aqshasyn jeke bıznesine salyp, ýaqyt óte kele aqshaly alpaýyttardyń birine aınalǵan.
Henan provıntsııasy qytaılyq Chjýmadıan qalasynyń polıtsııasy Shı atty mıllıarderdi tutqyndady, ol tergeý derekterine sáıkes 16 jyl buryn bank tonaǵan.
Polıtsııaǵa silteme jasap Sınhýa agenttigi habarlaǵandaı, jyljymaıtyn múlik salasynda jaǵdaıyn jaqsartqan olıgarhty bir apta buryn ustaǵan, alaıda ol búgin ǵana belgili boldy. Onymen birge polıtsııa onyń úsh sybaılasyn qolǵa túsirdi. Sońǵy qatysýshyny úsh kún keıinirek ustaǵan.
Olar urlyqty 1999 jylǵy 5 jeltoqsanda jasaǵan. Qaskúnemder eki mıllıon ıýandy (320 myń dollar) alyp ketken. Munyń saldarynan eki banktik klerk zardap shekti. Sol kezde eldiń jaǵasyn ustatqan qylmys búginge deıin ashylmaǵan edi.
Tergeýshilerdiń pikirinshe, Shı urlyq jasaýǵa bastamashylyq etken.
