Qytaıda balyq aýlaıtyn keme aýdarylyp, 11 adam mert boldy

BEIJІŃ. Sınhýa-QazAqparat – Qytaıdyń shyǵysyndaǵy Anhoı provıntsııasynda Bohý kólinde balyq aýlaıtyn keme aýdarylyp, sýǵa batyp ketti. 11 adam mert boldy, dep habarlaıdy QazAqparat «Sınhýa» agenttigine silteme jasap.

Agenttiktiń málimeti boıynsha, taǵy úsh balyqshy qutqarylǵan.

Bohý kólindeg qaıǵyly oqıǵa kezinde keme bortynda Sýsýn ýeziniń 14 turǵyny bolǵan.

Polıtsııa men jergilikti tótenshe jaǵdaılar basqarmasynyń qyzmetkerleri qaza tapqandardyń máıitin izdeý jumysyn aıaqtady. Oqıǵanyń jaı-japsaryn tekserý úshin tergeý júrip jatyr.