Qytaıda balalardy ýlandyrǵandar ólim jazasyna kesildi
ASTANA. QazAqparat - Qytaılyq Hebeı provıntsııasyndaǵy balabaqsha dırektory men onyń sybaılasyna 5 jáne 6 jastaǵy apaly-sińlilerdi ýlandyrǵany úshin ólim jazasy úkimi shyǵaryldy.
Qyzdar kórshi balabaqshaǵa bara jatqan jolda túrli tústi qarandashtar men dápter jáne bir ıogýrt qutysy bar sómkeni taýyp alady. Belgili bolǵandaı, atalǵan ıogýrtke egeýquıryqtardy ýlaýǵa arnalǵan zattar qosylǵan eken.
Ýlanyp qalǵan apaly-sińlili balalar kóz jumdy. Jergilikti BAQ-tyń habarlaýynsha, balalardyń biri aýrýhanaǵa bara jatqan jolda jantásilim etse, ekinshisi kelesi kúni ajal qushty.
Sottalǵan azamatsha kórshi balbaqshaǵa balalar kóptep jazylǵandyqtan, balalalardy ýlaýǵa bel býǵan. Osy arqyly ol básekelesteriniń bedelin túsirýge talpynǵan.
Sońǵy jyldary Qytaıda jekemenshik balabaqshalar men mektepter arasynda oqýshylar oryndary úshin tartys kúsheıip otyr.
