Qytaıda balalar taǵamynan synap tabyldy
ASTANA. 16 maýsym. QazAqparat - Qytaıda sút shyǵaratyn eń iri óndiristerdiń biri «Ilı» mekemesi quramyndaǵy joǵary deńgeıdegi synapqa baılanysty balarǵa arnalǵan sút qospalarynyń partııasyn keri qaıtardy. Bul týraly sheteldi BAQ habarlaıdy.
Kompanııa ókilderi adam ómirine qaýipti zattyń ónimge qalaı qosylǵandyǵyn túsindirmeı otyr dep jazady, Ýtro. rý. Aıta keteıik, azyq-túliktiń ishinen tabylǵan bul synap mı men búırekke zaqym keltirýi ábden múmkin. Bul Qytaıda oryn alǵan azyq-túlik qaýipsizdigine baılanysty oqıǵanyń sońǵysy boldy.
4 jyl buryn 6 bala óndiristik hımıkat mılamınniń izderi men quramy tabylǵan sútten kóz jumǵan bolatyn. Birneshe myńdaǵan adam medıtsınalyq kómek alýǵa májbúr bolǵan edi.
