Qytaıda balabaqshaǵa taǵy da shabýyl jasaldy - jeti bala mert boldy
ASTANA. Mamyrdyń 12-si. QazAqparat - Qytaıdyń soltústik-batysynda balabaqshaǵa shabýyl jasaldy. Oqıǵa saldarynan 7 bala mert boldy,
taǵy 20 búldirshin jaraqat aldy. Bul týraly búgin «Sınhýa» agenttigi habarlady.
Shensı provıntsııasyndaǵy Hanchjýn qalasynda tańerteń bolǵan oqıǵanyń mán-jaıy ázirge belgisiz. Zardap shekkenderdiń barlyǵy aýrýhanaǵa jetkizildi, olardyń jaǵdaıy týraly ázirge habar joq.
Esterińizge sala keteıik, sońǵy 2,5 aptada eldiń túrli provıntsııalarynda balabaqshalarǵa birneshe ret shabýyl jasalyp, olardyń barysynda ondaǵan bala opat boldy, dep habarlaıdy «Sınhýa» agenttigi.
Mundaı oqıǵalardyń kóbeıip ketýi nemen baılanysty ekenin qytaı polıtsııasy ázirge aıta almaı otyr.
