Qytaıda bala urlaǵan 90 kúdikti qamaýǵa alyndy
BEIJІŃ. 22 qarasha. QazAqparat - Qytaılyq polıtseıler Shyńjańnan bala urlap, olardy qaraqshylyq jáne urlyq jasaýǵa májbúrlegen 90 azamatty qamaýǵa aldy, dep habarlaıdy QHR Qoǵamdyq qaýipsizdik mınıstrliginen.
Aǵymdaǵy jyldyń qazan aıynda Beıjińde, Tszılın, Gýandýn, Shensı provıntsııalary men Shyńjań-Uıǵyr avtonomdyq aýdanynda ótkizilgen arnaıy operatsııa barysynda 28 bala qutqarylyp, 12 qylmystyq top joıyldy.
QHR QQM-niń resmı ókili Hýan Shıhaıdyń aıtýynsha, qylmyskerler Shyńjań-Uıǵyr avtonomdyq aýdanynan balalardy urlap, olardy Qytaıdyń Beıjiń, Shanhaı, Chanchýn jáne Chansha sııaqty iri qalalarynda urlyq jasaýǵa májbúrlegen.
Atalǵan operatsııa 2011 jyldyń sáýir aıynda bastalyp, aǵymdaǵy jyldyń aıaǵynda aıaqtalatyn balalardy urlaýǵa qarsy kúres sharasynyń bir bóligi ǵana bolyp tabylady.
Qytaılyq polıtsııa bala urlaýmen aınalysatyn qylmystyq toptardyń 2749 múshesin qamaýǵa aldy, osy kampanııa barysynda polıtseılerdiń arqasynda 2274 bala qutqaryldy.
