Qytaıda bala týýdyń eń tómen deńgeıi tirkeldi

BEIJІŃ. QazAqparat – Qytaıda 2020 jyly týý koeffıtsenti 1 000 adamǵa 8,52 baladan boldy. Bul sońǵy 43 jyldaǵy eń tómen kórsetkish. Bul týraly Qytaıdyń statıstıkalyq jyldyǵyndaǵy derekterge súıene otyryp, «Hýantsıý shıbao» basylymy málim etti, dep habarlaıdy QazAqparat.

Qytaıdyń statıstıka derekterine sáıkes, 2020 jyly týý koeffıtsenti 1 myń adamǵa shaqqanda 8,5 baladan kelgen. Ótken jyldyń qorytyndysy boıynsha eldegi myń adamǵa shaqqandaǵy halyqtyń tabıǵı ósimi 1,45 dep tirkelgen. Bul da 1978 jyldan bergi eń tómen kórsetkish.

Demograftar bul jaǵdaıdy elde reprodýktıvti jastaǵy áıelderdiń azaıýy jáne koronavırýs pandemııasymen baılanystyryp otyr. QHR Azamattyq ister jónindegi mınıstrliktiń derekterine sáıkes, osy jyldyń úsh toqsanynyń qorytyndysy boıynsha 5,88 mıllıon neke qıylǵan. Bul 2020 jylmen salystyrǵanda, 17,5% ese az. Osy jyldyń mamyrynda Qytaı bıligi otbasyda úsh bala ósirýge ruqsat berdi.

Atalǵan shara demografııalyq qurylymdy jaqsartý jáne halyqtyń qartaıýyna jaýap qaıtarý strategııasyn júzege asyrý maqsatynda qabyldanǵan bolatyn.

Eske sala keteıik, 1970 jyldardyń ortasynan bastap Qytaıda týýdy shekteýge baǵyttalǵan qatal demografııa saıasatsy júrgizilgen. Otbasyda tek bir bala ósirýge ruqsat etilgen.

2020 jyldyń qorytyndysy boıynsha QHR-da 1,41 mıllıard adam turady.

Avtory Rýslan Súleımenov