Qytaıda Azııa chempıonatyna qatysqan marafonshylarymyz júldesiz qaldy
ASTANA. QazAqparat - Qytaıdyń Donggýan qalasynda júgirýden ótken Azııa chempıonatyna qatysqan eki otandasymyz júldesiz qaıtty, dep habarlaıdy QazAqparat.
QR Jeńil atletıka federatsııasynyń resmı saıty habarlaǵandaı, eki otandasymyz buǵan deıin basqa dıstsıplınada óner kórsetken. Bul dodada Alekseı Gýsarov pen Dana Aıdosova tuńǵysh ret baq synap otyr.
Jalpy, qurlyq birinshiligine 19 eldiń sportshylary qatysty. Marafonshylardy Qytaıǵa jattyqtyrýshy Mıhaıl Sorokıvskıı apardy. Onyń aıtýynsha, basty maqsat marafondy jańa bastap jatqan sportshylarǵa jarystyń atmosferasyn sezdirý, tájirıbe jınaý bolǵan.
Gýsarov 16-orynǵa turaqtasa, al Aıdosova jaraqatyna baılanysty márege jete almady.
Jeńimpazdar men júldegerler:
Marafonnan XVI Azııa chempıonaty, Donggýan (Qytaı).
Erler:
1. Gopı Tonakal (Úndistan) - 2.15,48
2. Andreı Petrov (Ózbekstan) - 2.15,51
3. Tsevınravdan Bıambadjav (Mońǵolııa) - 2.16,14
... 16. Alekseı Gýsarov (Qazaqstan) - 2.30,38
Áıelder:
1. Kım He Gen (KHDR) - 2.28,35
2. Keıko Nogamı (Japonııa) - 2.29,05
3. Chjo Ýn Ok (KHDR) - 2.30,01
... 7. Marına Hmelevskaıa (Ózbekstan) - 2.39,52
... Dana Aıdosova (Kazahstan) - DNF.
