Qytaıda ázirge eshqandaı radıatsııalyq aýytqýshylyq baıqalǵan joq - QHR SІM
BEIJІŃ. 16 naýryz. QazAqparat /Rýslan Súleımenov/ - Júrgizilgen monıtorıngtiń qorytyndysy boıynsha Qytaıda ázirge eshqandaı radıatsııalyq aýytqýshylyq baıqalǵan joq.
Qytaı atom-elektr stansalarynyń jumys istep turǵan barlyq energobloktary qaýipsiz jaǵdaıda. Bul týraly 15 naýryzda Beıjińde ótken kezekti baspasóz máslıhatynda Qytaı Syrtqy ister mınıstrliginiń resmı ókili Tszıan ıÝı hanym málim etti.
Qytaıdyń Qorshaǵan ortany qorǵaý mınıstrliginiń janyndaǵy Memlekettik ıadrolyq qaýipsizdik basqarmasy ókiliniń aıtýynsha, ókimet Japonııanyń «Fýkýsıma-1» AES-indegi apattan keıingi jaǵdaıdyń barysyn jiti baqylap, eldegi radıatsııalyq ahýalǵa monıtorıngti jıiletedi jáne onyń qorytyndysy týraly jarııalap otyratynyn bolady.
Sondaı-aq Tszıan ıÝı hanym, Qytaı úkimeti men halqynyń joıqyn zilzalaǵa baılanysty japon úkimeti men halqyna qaıǵyryp kóńil aıtatynyn jetkizdi.
«Japonııanyń suranysyn eskere otyryp qajetti barlyq kómekti kórsete beremiz jáne japon halqynyń barlyq qıyndyqty jeńetinine senimdimiz», - dep atap kórsetti SІM ókili óz sózinde.
Qytaıdyń Qorǵanys mınıstrligi de joıqyn zilzala men tsýnamıge baılanysty Japonııaǵa kómek kórsetýge ázirligin bildirdi.
Keshe, 15 naýryz kúni sondaı-aq Qytaı basylymdarynda 100 qytaı akademıginiń haty jarııalandy. Akademıkter, Qytaı halqynyń Japonııaǵa kórsetip jatqan kómegi sońǵy jyldary eki eldiń arasynda oryn alǵan daý-damaılardan keıin bastalǵan kelispeýshilikterdi sheshýge kómektesetinine senim bildiredi.
15 naýryzdaǵy resmı derekter boıynsha, Japonııada zilzala men tsýnamı saldarynan 3 373 adam qaza bolǵan, 1897 adam jaralanǵan, al 6746 adam iz-túzsiz joǵalǵandar sanatynda.
