Qytaıda aıaq kıim fabrıkasynda oryn alǵan órt saldarynan 16 adam qaza tapty
ASTANA. 14 qańtar. QazAqparat - Qytaıda aıaq kıim fabrıkasynda bolǵan órt saldarynan 16 adam qaza tapty, dep habarlady jergilikti BAQ.
Qaıǵyly oqıǵa seısenbi kúni jergilikti ýaqyt saǵat 14:52-de Qytaı shyǵysyndaǵy Chjetszıan provıntsııasy Taıchjoý qalasynyń «Dadýn» aıaq kıim fabrıkasynda oryn aldy. Órt 800 sharshy metr jerdi qamtydy, ony sóndirý úsh saǵatqa sozyldy.
16 adam órt qurbanyna aınaldy. Ǵımaratta bolǵan 20-dan astam jumysker qutqarylyp úlgerdi.
Órttiń sebepteri anyqtalýda.
