Qytaıda avtobýs jaryldy: 4 adam qaza boldy, 24 adam jaralandy
BEIJІŃ. 6 qańtar. QazAqparat - Qytaıdyń soltústik-batysyndaǵy Shensı provıntsııasynda jolaýshylar avtobýsynyń jarylýy saldarynan tórt adam qaza boldy, 24 adam jaralandy.
Oqys oqıǵa jeksenbi, 5 qańtar kúni jergilikti ýaqyt boıynsha 18:40-ta Shensı provıntsııasyna qarasty Vaınan qalasynda oryn aldy. Saldarynan tórt adam opat bolyp, 24 adam túrli deńgeıdegi jaraqat aldy.
Reıstik avtobýs provıntsııanyń ákimshilik ortalyǵy Sıan qalasynan shyqqan bolatyn.
Jarylystyń sebepteri ázirge belgisiz. Oqıǵa ornynda jedel-tergeý toby jumys jasap jatyr.
