Qytaıda avtobýs jardan qulap, 6 adam qaza tapty
BEIJІŃ. QazAqparat – Qytaı Halyq Respýblıkasynyń soltústik-shyǵysyndaǵy Tszılın provıtsııasy Týnhýa qalasy aýmaǵynda jolaýshylar avtobýsynyń jardan qulaýy saldarynan mert bolǵandar sany alty adamǵa jetti, dep habarlaıdy QazAqparat Sina aqparattyq portalyna silteme jasap.
Budan buryn «Sınhýa» agenttigi tórt adam qaza tapty dep málimdegen bolatyn. Naqty derekter boıynsha, oqıǵa bolǵan kezde avtobýsta 37 adam bolǵan. Jol-kólik oqıǵasy jergilikti ýaqytpen tańǵy 9.00-de oryn aldy.
Zardap shekkenderdiń barlyǵy aýrýhanada, olarǵa qajetti medıtsınalyq kómek kórsetildi. Oqıǵa bolǵan jerde jedel qyzmet etetin vedomstvoaralyq top jumys istep jatyr. Tergeý jumystary júrgizilip, oqıǵanyń sebepteri anyqtalýda.
