Qytaıda avtobýs órtenip, 30-dan asa adamdy kúıik shaldy
ASTANA. QazAqparat - Qytaıda avtobýs órtenip, saldarynan 30 adamdy kúıik shaldy, dep habarlaıdy Sınhýa agenttigi.
Kýágerlerdiń aıtýynsha, ot aıaq astynan tutandy. Sondyqtan jolaýshylar avtobýstan birden shyǵa almaı qaldy.
Oqıǵa búgin Astana ýaqytymen túski úshterdiń shamasynda oryn aldy. Agenttiktiń málimetinshe, jolaýshylardyń bári de aman, alaıda 24 adam aýrýhanada hal ústinde jatyr. Qytaıdaǵy sońǵy iri avtobýs apaty bıylǵy jyldyń 10 sáýirinde oryn alǵan edi. Haınan araly Chenmeı ýezinde oqýshylar mingen avtobýs aýdarylyp, 8 adam mert bolyp, 30-y jaralanǵan bolatyn.
