Qytaıda avtobýs apatynan 30 adam mert boldy
ASTANA. QazAqparat - Qytaı eliniń soltústik-batysyndaǵy Shensı provıntsııasynda avtobýstyń shatqalǵa qulap ketýi saldarynan keminde 30 adam opat boldy, dep habarlaıdy TASS.
Qaıǵyly oqıǵa Sıanıan qalalyq okrýginiń Chýnhýa ýezinde oryn aldy. Apat kezinde 25 adam oqıǵa ornynda jantásilim etse, taǵy beseýi aýrýhanaǵa barar jolda kóz jumǵan. Zardap shekkenderdiń barlyǵy medıtsınalyq mekemelerge jetkizildi. Olardyń sany ázirge naqtylanbaýda. Polıtsııa kólik apatynyń sebepterin tergeýdi bastady.
