Qytaıda aýyr qurylys tehnıkalary «shaıqasty»
ASTANA. QazAqparat - Qytaıdyń Hebeı provıntsııasynda eki básekeles qurylys fırmasynyń arasyndaǵy kıkiljiń aýyr tehnıkalardyń qaqtyǵysyna ákelip soqtyrdy. Sıntan ýezinde alty kúregi bar aýyr tehnıka birneshe mınýt «tiresken». Áleýmettik jelide «transformerler qaqtyǵysy» atalyp ketken janjal saldarynan birneshe adam túrli deńgeıdegi dene jaraqatyn alǵan.
CCTV telekompanııasynyń habarlaýynsha, oqıǵa 17 sáýirde bolǵan. Tehnıkalar qaqtyǵysynan eki tehnıka aýdarylyp qalyp, birneshe qurylysshy jaraqat alǵan. Eń kóp zalal tehnıkaǵa tıesili.
Eki mekemeniń janjalyna tapsyrys berýshige talas sebepshi bolǵan. Qazir oqıǵany quqyq qorǵaý organdary tergep jatyr.
Ǵalamtorda júktelgen beıneni oqıǵany kezdeısoq kórip qalǵandar túsirip alǵan.
