Qytaıda aýrýhanadaǵy órt saldarynan 4 adam kóz jumdy
ASTANA. QazAqparat - Ortalyq Qytaıda aýrýhanadaǵy órt saldarynan 4 adam ajal qushty, dep habarlady Associated Press resmı derekkózderge silteme jasap.
Jalyn 200 sharshy metrge jýyq aýmaqty sharpydy. Bir patsıent joǵary bıiktikten tómen qaraı sekirip, mert boldy, taǵy eki aýyr haldegi naýqasty basqa jerge kóshirýge týra keldi, olar sol arada jan tapsyrdy. Budan basqa qutqarýshylar órt ornynan taǵy bir múrdeni tapty, alaıda onyń aýrýhana emdelýshisi me, álde basqa bireý me, ol jaǵy ázirge belgisiz.
Órt sebebin tergeýshiler anyqtaıdy.
