Qytaıda aýaǵa taraǵan ammıaktan 30-dan astam adam ýlanyp qaldy
ASTANA. QazAqparat - Qytaıdyń soltústik-batysyndaǵy Nınsıa-Hýeı avtonomııalyq aýdanyndaǵy hımııalyq kásiporyndardyń birinde aýaǵa ammıak jaıylyp, 33 adam ýlanyp qaldy, dep habarlady Sınhýa agenttigi.
Oqıǵa jeksenbi kúni Inchýan qalasyndaǵy Mei Feng Friends Chemical kásipornynda boldy. Kásiporynnyń basty fakeli óship qalyp, saldarynan oǵan qosylǵan shlangtan aýaǵa ammıak tarap ketken.
Kásiporynnyń ýlanǵan qyzmetkerleriniń arasynda 4-eýi aýyr jaǵdaıda ekeni habarlandy. Oqıǵa ornyna jetken qutqarýshylar men jedel járdem brıgadasy zardap shekkenderge qajetti kómekterin kórsetip, gazdyń shyǵýyn toqtatty.
Aldyn ala derekter boıynsha, operator qubyr qaqpaǵyn ashqan, sonyń saldarynan fakelge aýa kirip ketken. Sóıtip, shlangtan ammıaktyń kóp mólsheri bar aýa qospasy syrtqa taraǵan.
