Qytaıda atystan úsh adam qaza taýyp, bes adam jaraqattandy
ASTANA. QazAqparat - Qytaıdyń soltústik-shyǵysynda Hebeı provıntsııasynda atys saldarynan úsh adam ajal qushyp, bes adam jaraqattandy, dep habarlady memlekettik BAQ-tarǵa silteme jasap Bı-bı-sı.
Oq atýdy uıymdastyrǵan qaskúnemniń polıtseılermen atys kezinde kóz jumǵany habarlanady.
Qaza bolǵandardyń ishinde bir polıtseı bar, taǵy bir polıtsııa qyzmetkeri jaraqat aldy, dep habarlady QHR memlekettik televıdenıesinen. Qaskúnemniń nelikten atys uıymdastyrǵany ázirge belgisiz. Aıta keteıik, qarýdyń qoljetimdi bolýy qatań baqylanatyn Qytaıda mundaı oqıǵalar sırek kezdesedi.
