Qytaıda ataqty qolbasshy, bıleýshi jáne aqyn Tsao Tsaonyń qabiri qazyldy
ASTANA. Jeltoqsannyń 28-i. QazAqparat - Qytaı arheologtary 208-220 jyldar aralyǵynda Úshpatshalyq kezeńinde el bılegen tanymal aqyn, qolbasshy jáne memleket qaıratkeri Tsao Tsaonyń qabirin qazyp aldy,
dep habarlaıdy ITAR-TASS agenttigi.
Jylnamalarǵa sáıkes, Tsao Tsao /155-220/ ІІІ ǵasyrda Qytaıdaǵy eń kósem saıasatker bolǵan. Sondaı-aq, onyń esimi bizdiń «kimdi aıtsań, sol keledi» degenge saıatyn «Tsao Tsao týraly aıtyp edi, ózi de keldi» degen maqaldyń arqasynda búginge jetip otyr, deıdi mamandar.
Ortalyq Qytaıdyń Henan provıntsııasyndaǵy Anıan qalasynyń mańyndaǵy qazylǵan qabirden úsh adamnyń denesi tabylyp otyr. Solardyń bireýi - 60 jastyń shamasyndaǵy er azamat - ataqty qolbasshy bolýy múmkin dep paıymdaýda ǵalymdar. «Chaına delı» basylymynyń jazýynsha, arheologtar ol jerden 250 shaqty altyn, kúmis jáne qysh buıymdar tapty. Olardyń keıbireýlerinde «Veı bıleýshisi qoldanǵan» degen jazý bar. Veı - Tsao-Tsao negizin qalaǵan memleket.
