Qytaıda ata-anasy dúnıe esigin ashqan tórtemdi Soltústik, Ońtústik, Batys jáne Shyǵys dep atady
ASTANA. QazAqparat - Qytaılyq Jıchjao qalasynda tórtem dúnıege keldi. Olardy ata-anasy Sıaodýn (Shyǵys), Sıaonan (Ońtústik), Sıaosı (Batys) jáne Sıaobeı (Soltústik) dep atady.
Sábılerdiń anasy 27 jastaǵy Lı Tszıýan men onyń jary balaly bolýdy burynnan armandaǵan. Olar otasqaly birneshe jyl boldy, alaıda Lı Tszıýan bala kótere almady. Dárigerlerdiń nusqaýymen qytaılyq dárilik preparattardy qabyldaı bastady. Sóıtip ótken jyldyń qarashasynda júkti boldy.
Júktiliktiń toǵyzynshy aptasynda olarǵa tórtem týatynyn aıtqan. Sóıtip 4 shildede ,júktiliktiń 33-shi aptasynda eki qyz ben eki ul dúnıege keldi.
Olar merziminen buryn týdy. Eń kishkentaıynyń salmaǵy shamamen 1,75 kg boldy. Endi shaqalaqtar bir aıdaı ıntensıvti terapııa bólimshesinde bolmaq, dep jazdy informing.ru.
