Qytaıda aspanmen alyp eles qala júzdi
ASTANA. QazAqparat - Qytaıdyń Foshan eldi mekeniniń ústinen kókte alyp eles qalanyń júzip ótkeni kameraǵa túsirilip alynǵan. Bulttar arasynan bıik munaraly ǵımarattary bar zamanaýı megapolıs aıqyn kózge túsedi.
«Ertegi qalany» birneshe mınýt boıy júzdegen jergilikti turǵyn baqylaǵan.
Mamandardyń aıtýynsha, bul fata-morgana degen ataýǵa ıe saǵym tárizdi. YouTube jelisine salynǵan beınerolıkterge qaraǵanda, «aspandaǵy qala» Foshan eldi mekeniniń kóginen 7 qazanda júzip ótse, 12 qazanda bul qubylys Tszıansı provıntsııasynyń aspanynan baıqalǵan. Ol jarty saǵatqa sozylǵan, dep habarlaıdy Mysterious Universe.
Fata-morgana - bul jerdegi jannyń kókjıek sheginiń ar jaǵyndaǵy jaıttardy kóretindeı jaǵdaılardyń týyndaýy. Atmosfera túrli tyǵyzdyqtaǵy jáne túrli temperatýradaǵy qabattardan turatynyn eskersek, atalǵan qabattardyń qabysý tusynda jaryqtyń shaǵylysýy úshin qolaıly jaǵdaılar týyndaıdy, saǵym sodan paıda bolady.
