Qytaıda asa baı adamdardyń biri joǵalyp ketti
ASTANA. QazAqparat - Qytaıda tóraǵasy qaıda ketkeni belgisiz iri jeke kompanııa aktsııasynyń saýdasy toqtatyldy.
Keı derekterge súıensek, Gýo Gýanchan Qytaıdaǵy eń baı adamdardyń biri. Ol 10 jeltoqsan, beısenbiden bastap baılanysqa shyqpaǵan, dep habarlaıdy Bı-bı-sı.
Aqshaly alpaýytty Shanhaı áýejaıynda polıtsııa qyzmetkerleri ustaýy múmkin degen boljam bar. Alaıda oǵan qatysty tergeý júrgizilip jatqany jaıly aqparat joq.
Gýanchannyń "Fosýn" kompanııasy onyń joǵalǵany týraly aqparatty ne rastamady, ne teriske shyǵarmady. Kompanııa ókili tek onyń ádettegideı jumys istep jatqandyǵyn málimdep otyr.
