Qytaıda artyq salmaqty 90 mıllıondaı adam turady
ASTANA. QazAqparat - 2025 jylǵa deıin semizdikpen kúres jolynda jahandyq maqsattarǵa qol jetkizý múmkin emes, delingen Lancet medıtsınalyq jýrnalynda jarııalanǵan zertteýde.
Sebebi sońǵy 40 jylda (1975-2014 jyldar) artyq salmaǵy bar eresek adamdardyń sany 105-ten 641 mıllıonǵa deıin ósken. Semiz er adamdardyń sany úsh ese, artyq salmaqty áıelder sany eki ese artqan.
Eger aǵymdaǵy jaǵdaı saqtalsa, 2025 jylǵa qaraı salmaǵy artyq er adamdardyń úlesi 18 paıyz, áıelderdiń úlesi - 21 paıyz bolmaq.
Artyq salmaǵy bar adamdardyń kóbi Qytaıda turyp jatyr: bul elde 43,2 mln. er adam men 46,4 mln. áıel semizdikke ushyraǵan. Ekinshi orynda AQSh tur, dep jazady Bı-bı-sı.
Ulybrıtanııa úkimetiniń gazdalǵan alkogolsiz sýsyndarǵa qol jetimdilikti qıyndatý úshin qantqa salyq engizý jospary - durys baǵytta jasalǵan qadam, dep sendiredi baıandamany qurastyrýshylar. Brıtanııada árbir besinshi bala semizdikke ushyraǵan. Bul rette balalar quramynda qanty kóp sýsyndardyń negizgi tutynýshylary bolyp tabylady.
