Qytaıda arheologııalyq qazba jumystary kezinde ejelgi qus músini tabyldy
Bul músin - Shyǵys Azııanyń úsh ólshemdi óneriniń eń ejelgi tanymal úlgisi.
Músin Qytaıdyń ortalyǵyndaǵy Henan provıntsııasynyń Lıntszın qalasynda arheologııalyq qazba ornynan tabyldy. Ol tas quraldarynyń kómegimen janýardyń kúıdirilgen súıekterinen qoldan oıylǵan.
Zertteýshilerdiń aıtýynsha, tuǵyrǵa beınelengen qus músininde kózderi men tumsyǵy kórinedi.
«Bul músin Batys Eýropa men Sibirden tabylǵan basqa úlgilerden tehnologııalyq jáne stılıstıkalyq jaǵynan erekshelenedi. Bul paleolıt jáne qazirgi qytaı músinin baılanystyratyn joq bolyp turǵan býyn bolýy múmkin»,-deıdi zertteýshiler.
Nysannyń jasyn anyqtaý úshin radıokómirtekti zertteýmen qatar ǵalymdar músinshiniń qoldanǵan oıý tásilderin anyqtaýǵa kompıýterlik tomografııany qoldandy. Olar músin jasaý úshin qajaqty, kalıbrleýshi, tyrnaý jáne kesetin tastan jasalǵan qural-saımandardyń qoldanylǵany týraly dálelder tapty.
Qazba jumystaryn Shandýn provıntsııasyndaǵy Shyǵys Qytaı ýnıversıtetiniń zertteýshileri, sondaı-aq Frantsııa, Izraıl jáne Norvegııa kolledjderiniń sarapshylary júrgizdi.
