Qytaıda Ardagerler isi jónindegi mınıstrlik quryldy
«Mınıstrlik mindetterdiń naqty aıasynda ardagerlerdi qorǵaýdy basqarýdyń ortalyqtandyrylǵan, biryńǵaı júıesin qurý jáne jetildirý boıynsha jumys isteıtin bolady», - dedi jańa vedomstvonyń ashylý rásiminde sóz sóılegen QHR Memlekettik keńesiniń vıtse-premeri Sýn Chýnlan.
Onyń aıtýynsha, mınıstrlik ardagerlerdiń azamattyq ómirdegi konstrýktıvti rólin anyqtaýdy jáne qorǵanys pen armııa qurylysyna jas mamandardy kóbirek tartýdy yntalandyrýǵa baǵyttalǵan.
Sýn Chýnlan jańa mınıstrlikti ardagerlerdiń zańdy quqyqtary men múddelerin qamtamasyz etýge shaqyrdy. Sonymen qatar, áskerı qyzmet qoǵam qurmetine laıyqty kásipterdiń birine aınalýy tıistigine, al ardagerler ózderin baqytty sezinýi qajettigine nazar aýdartty.
Jańa mınıstrlik áskerden qaıtqan adamdarǵa saıası nusqaýlyq pen erejeler ázirlep, ony júzege asyrýǵa, sonymen birge olardy qaıtadan jumysqa ornalastyryp, kásibı turǵyda daıyndaýǵa jaýap beretin bolady.