Qytaıda ár otbasynda eki baladan bolýyn mindetteýi múmkin
ASTANA. QazAqparat - Shansıdiń otbasyn josparlaý komıssııasynyń dırektory Meı Chjıtsıan elde demografııalyq saıasatty shuǵyl ózgertý kerek ekendigin aıtty, dep jazady Rosbalt.
Sheneýniktiń aıtýynsha, 1979 jyldan júrgizilip kele jatqan «bir otbasy - bir bala» saıasaty 2013 jyldan bastap jumsartylǵanymen bul ulttyń qartaıý máselesin sheship bere almaıdy. Sondyqtan ol: «ár januıada eki bala bolýyn mindetteý kerek», - deıdi.
Bul málimdeme qazirdiń ózinde qyzý pikirtalas týdyryp jatqan kórinedi. The Global Times basylymynyń jazýynsha, tikeleı qysym kórsetkennen góri bul saıasatty júzege asyrý úshin yntalandyrý jumystaryn qolǵa alý kerek. Al birden mindettegen jaǵdaıda el ishinde narazylyq týýy múmkin.
