Qytaıda aptap ystyqqa baılanysty qaýiptiń qyzǵylt sary deńgeıi jarııalandy

BEIJІŃ. QazAqparat – Qytaıdyń memlekettik meteorologııalyq ortalyǵy QHR-dyń birqatar óńirinde aptap ystyq saldarynan qyzǵylt sary deńgeı jarııalady, dep habarlaıdy QazAqparattyń menshikti tilshisi.

Sınoptıkterdiń málimetinshe, 27 shildede Ońtústik Qytaıdyń kóptegen aýdandarynda jáne Shyńjań-Uıǵyr avtonomııa ólkesinde (ShUAÓ) aýa temperatýrasynda 35 gradýstan asady.

Vedomstvo Chjetszıan, Tszıansı, Hýnan provıntsııalarynda, sondaı-aq ShUAÓ-de termometr baǵany 40 gradýstan asatynyn atap ótti. Elde aptap ystyq jeti kúnge sozylady.

Dúısenbi, 25 shildede Gýanchjoý qalasynda (Gýandýn provıntsııasy, Ońtústik Qytaı) temperatýra 42,4 gradýsqa jetti.

Osyǵan baılanysty Qytaı megapolısinde temperatýra qaýpiniń eń joǵary, qyzyl deńgeıi engizildi.

Jergilikti sınoptıkterdiń boljamynsha, Gýanchjoýdaǵy aptap ystyq 31 shildege deıin sozylyp, 23 kúnge jalǵasady. Bul 1951 jyldan bergi eń uzaq joǵary temperatýra kezeńi bolady.