Qytaıda aptap ystyq kezde elektr jelileriniń júktemesi shegine jetti
ASTANA. QazAqparat - Qytaıda 2017 jylǵy aptap ystyq temperatýraǵa qatysty rekordtan basqa da joǵary kórsetkishterdi jańarty, dep jazdy Sınhýa.
Qytaıdyń State Grid ulttyq elektr jelileri korporatsııasynyń habarlaýynsha, 25 shildede saǵat 00.00-de kúlli el boıynsha energııany óńdeýdiń táýliktik kólemi tarıhı maksımýmdy alty esege eńserip, saǵatyna 1,753 mlrd kVt-ny qurady.
Bul rette 31 óńirdiń 24-i (Sıangan, Aomen jáne Taıvandy qosa alǵanda) elektr jelilerine júktemede rekordtyq deńgeıge jetti. Bastapqyda soltústik jáne soltústik batysty qamtyp, artynsha Hýanhe ózeninen ońtústikke qaraı ornalasqan aýdandarǵa jetken 20 kúnnen bergi aptap ystyqtyń beti qaıtar emes. 19 óńirde 40 gradýs jáne odan joǵary temperatýra tirkeldi, dep málim etti Elektr energetıkasy boıynsha ulttyq baqylaý-dıspetcherlik ortalyq basshysynyń orynbasary Van ıÝılın.
Soltústik Qytaıda, sondaı-aq eldiń shyǵys, soltústik-shyǵys bólikterinde elektr jelilerine júkteme rekord ornatýda, dep atap ótti ol. 25 shildede Chjetszıan provıntsııasynda júkteme 74,85 mln kVt-ǵa, Tszıansý provıntsııasynda 24 shildede elektr tutyný kúlli jergilikti tarıhta alǵash ret saǵatyna 100 mln kVt belgisinen asyp tústi.
