Qytaıda ammıaktyń kóp mólsherde tógilýinen 300 adam ýlandy, olardyń birnesheýi es-tússiz jatyr
ASTANA. 24 qazan. QazAqparat - Qytaıdyń Hýbeı provıntsııasynda ammıaktyń tógilýi saldarynan úsh júz adam ýlanyp qaldy.
Bul týraly jergilikti BAQ habarlady.
Oqıǵa provıntsııanyń tuşy sýy bar iri sý qoımasy sanalatyn Hýnhý ózenindegi «Deıan» sý sharýashylyǵynda boldy.
Kásiporyn tońazytqyshty qurylǵylar úshin paıdalanatyn ammıaktyń kóp mólsherde tógilýi týraly aqparat polıtsııaǵa dúısenbi kúni keshke tústi.
Tótenshe jaǵdaı ornyna dereý órt sóndirýshiler, medıtsına qyzmetkerleri men jergilikti bılik ókilderi jetti. Kásiporynnyń qyzmetkerleri shuǵyl túrde qaýipsiz aımaqqa kóshirilip, tótenshe jaǵdaı aýmaǵy qorshaýǵa alyndy. Ammıakpen ýlaný belgileri shamamen úsh júzge jýyq adamda baıqaldy, olardyń júzden astamy aýrýhanaǵa jetkizildi. Zardap shekken birneshe adam es-tússiz jatyr.
