Qytaıda alty jankeshti lańkes joıyldy
BEIJІŃ. QazAqparat - QHR-dyń Shyńjań-Uıǵyr avtonomııalyq ólkesiniń ońtústigindegi Qashǵar qalasynyń mańynda alty jankeshti lańkes joıyldy, dep habarlaıdy Qytaıdyń ortalyq baspasóz quraldary.
Jarylǵysh zatpen qarýlanǵan kúdiktilerdiń birin jergilikti turǵyndar baıqaǵan. Ol jarylǵysh zatty qospaqshy bolǵan sátte polıtsııa qyzmetkerleri kelip jetti.
Tártip saqshylary qylmyskerge onyń ofıtserlerdiń birine baltamen tap bergen kezinde oq atty. Shahıdter beldikterin taǵyp alǵan qalǵan bes jankeshti lańkester de operatsııa barysynda polıtseılerdiń qolynan qaza tapty.
Esterińizge sala keteıik, 2014 jyly ShUAÓ-de birqatar lańkestik áreketter bolyp, onyń saldarynan kem degende 200 adam qaza tapty. Ótken jyldyń qazan aıynda avtonomııalyq ólkede lańkestik áreket kezinde qandaı áreketterdi qolǵa alý qajettigi jaıynda nusqaýlyq jazylǵan kitapsha basylyp shyǵaryldy.
Bıylǵy jyldyń 1 qańtarynan bastap Shyńjańnyń ákimshilik ortalyǵy - Úrimshi qalasynda áıelderge qoǵamdyq oryndarda nıkab - áıeldiń betin jaýyp turatyn, kózge arnalǵan oıyǵy bar musylmandyq bas kıimin kııýge tyıym salynǵan.
