Qytaıda áli shyǵyp úlgermegen iPhone-5 105 dollarǵa saýdalanýda
ASTANA. 5 qazan. QazAqparat - Qytaılyq «qurastyrýshylar» asyǵamyz dep saýdaǵa áli túsip úlgermegen iPhone-5-ti shyǵaryp qoıǵan, dep habarlaıdy Sky News.
Tipti Kýpertınodaǵy Apple shtab-páterinde joq bul jańa týyndyny beıjińdik bazarlardyń birinen búginniń ózinde satyp alýǵa bolady. Qurylǵynyń ishki-syrtqy qurylymy ázirge belgisiz, alaıda baǵasy belgilenip úlgergen - bar-joǵy 105 dollar kóleminde, dep jazady «Moskovskıı Komsomolets».
«Belgisiz haker Apple-den telefonnyń negizgi beınesin urlap alyp, jelige ornalastyryp qoıdy», -dep málimdedi tanymal saýdagerlerdiń biri quraldyń sıpatyn qytaılyqtar qaıdan bilip qoıdy degen suraqqa jaýap bere otyryp. Onyń aıtýynsha, qyzmeti jaǵynan jańa taýar «týra iPhone 5».
