Qytaıda alǵash ret qurylǵan qorshaǵan ortany qorǵaý trıbýnalynyń tóraǵasy taǵaıyndaldy
MÁSKEÝ. QazAqparat - Qytaıdyń Joǵarǵy soty dúısenbi kúni qorshaǵan ortany qorǵaýǵa baılanysty isterdi ǵana qaraýmen aınalysatyn taıaýda qurylǵan arnaıy trıbýnaldyń tóraǵasy laýazymyna Den Sıýelındi taǵaıyndady, dep habarlady Reıter agenttigi.
Qytaıda Qorshaǵan orta jáne resýrstar trıbýnaly eki apta buryn alǵash ret qurylǵan edi. Ol ekologııa salasynda zań buzýshylyqtar kóbeıip ketýine baılanysty quryldy. Trıbýnal mindeti barlyq el boıynsha jergilikti bılik qurǵan 134 qorshaǵan ortany qorǵaý sotynda osyndaı daýlardy qaraý úshin jalpy standarttar ázirleý bolyp tabylady.
Aıta keteıik, qytaılyq zańgerler kóptegen jyldar boıy mundaı talqylaýlardy budan buryn sottar múldem elemegenine, ne durys qaramaǵanyna nazar aýdaryp keledi.
