Qytaıda áleýmettik jeliler ýaqytsha buǵattalatyn boldy
ASTANA. QazAqparat - Qytaı eliniń basshylyǵy elde ótetin jeńil atletıkadan álem chempıonaty qarsańynda «facebook», «twitter» áleýmettik jelileri men «google» servısiniń jumysyn ýaqytsha toqtatyn boldy. Bul týraly Halyqaralyq jeńil atletıka qaýymdastyǵynyń (IAAF) bas hatshysy Essar Gabrıel habarlady, dep jazady massaget.kz.
Jeńil atletıkadan Beıjińde ótetin álem chempıonaty 30 tamyzǵa deıin jalǵasady. Bir aptadan asyq ýaqyt ishinde Qytaı halqy «facebook»pen «twitter» áleýmettik jelilerin paıdalana almaıdy. Al «google» izdeý júıesi belgili bir ýaqyt aralyǵynda ǵana jumys jasaıtyn bolady. Sońǵy ret «google» Qytaıda 2012 jyly 12 saǵatqa buǵattalǵan bolatyn. Al álem chempıonatyna qatysýshylarǵa áleýmettik jeli men «google» izdeý júıesin paıdalanýǵa múmkindikter bar.
- «Facebook», «Twitter» jáne «Google» júıelerin álem chempıonatyna qatysatyn sportshylar, tilshiler men bapkerleri ǵana paıdalana alady. Biz jarys ótkizýshi eldiń zańyn qurmetteýge tıispiz. Sondyqtan da biz óz aqparatymyzben bólisetin bolamyz. Áleýmettik jeliler álem chempıonatyna arnalǵan arnaıy qonaqúılerde ǵana qoljetimdi bolady, - dedi Essar Gabrıel.
Aıta keteıik, jeńil atletıkadan Beıjińdegi álem chempıonaty erteń bastalady. Elimizdiń namysyn 10 sportshy qorǵaıtyn bolady. Olardyń qatarynda 2012 jylǵy Olımpıada chempıony Olga Rypakova da bar.
